क्यान महासंघ बाँकेले प्रादेशिक महोत्सवमा 'क्यान इन्फोटेक २०२५' आयोजना गर्ने

नेपालगन्ज : क्यान महासंघ बाँके शाखाले “क्यान इन्फोटेक २०२५ को आयोजना गर्ने भएको छ ।

नेपालगंज उद्योग वाणिज्य संघको आयोजनामा माघ १० देखि माघ २२ गते सम्म नेपालगन्जमा हुने प्रादेशिक महोत्सवमा क्यान इन्फोटेक २०२५ को आयोजना हुने भएको हो ।

प्रादेशिक महोत्सवमा क्यान इन्फोटेक २०२५ आयोजना गर्नको लागी क्यान महासंघ बाँके र नेपालगन्ज उद्योग वाणिज्य संघ बीच समझौता समेत भैसकेको क्यान बाँकेका सचिव रमेश बिसीले जानकारी गराएका छन् ।

कम्प्युटर एसोसिएसन नेपाल महासंघ (CAN) बाँके
र नेपालगञ्ज उद्योग वाणिज्य संघ बीच नेपालगन्ज र वरपरको क्षेत्रका डिजिटल प्रवर्द्धन र प्रविधिको विकासका लागि विभिन्न कार्यक्रम तथा परियोजनाको सफल आयोजना सुनिश्चित गर्न सहयोग गर्ने र त्यसको लागी प्रादेशिक महोत्सव स्थलमा क्यानले क्यान इन्फोटेक २०२५ को आयोजना गर्ने गरि सम्झौता भएको हो ।

नेपालगंज उद्योग बाणिज्य संघका अध्यक्ष टंक बहादुर धामी, कम्प्युटर एशोसियसन अफ नेपाल महासंघ बाँके शाखाका अध्यक्ष यज्ञराज जोशी, क्यान बाँकेका सचिव रमेश बिसि लगायतको उपस्थितीमा क्यान बाँके र नेपालगंज उद्योग बाणिज्य संघ बिच सम्झौता भएको थियो ।