बाँकेको क्रिकेट अब नयाँ उचाइतर्फ, सुफियान पठानको नेतृत्वमा नयाँ कार्यसमिति गठन

बाँके जिल्ला क्रिकेट संघको वार्षिक साधारण सभा–२०८३ बाट सुफियान खान पठानको नेतृत्वमा नयाँ कार्यसमिति निर्विरोध चयन भएको छ। शनिबार सम्पन्न साधारण सभाले आगामी कार्यकालका लागि १५ सदस्यीय कार्यसमिति गठन गरेको हो।

निर्वाचित कार्यसमितिको उपाध्यक्षमा विक्रम कुमार श्रेष्ठ, सचिवमा राजेन्द्र मानन्धर तथा कोषाध्यक्षमा मों इरफान खान चयन भएका छन्। सदस्यहरूमा संजयराज सिंह, सुनिल सिंह हमाल, मनमोहन लम्साल, मेराज अन्सारी, ठगप्रसाद न्यौपाने, विनोदकुमार मैनाली, इनामुद्दीन हल्वाई, विरेन्द्रबहादुर शाह, नैरी थापा मगर, मो. एकराम सिद्दीकी र विनय श्रेष्ठ रहेका छन्।नवनिर्वाचित अध्यक्ष सुफियान खान पठानले जिल्लाको क्रिकेट विकासलाई प्राथमिकतामा राखेर काम गर्ने प्रतिबद्धता व्यक्त गरेका छन्। नेतृत्वको जिम्मेवारी प्रदान गरेकोमा सम्पूर्ण क्रिकेट परिवारप्रति आभार व्यक्त गर्दै उनले बाँकेमा क्रिकेटको आधार विस्तार, खेलाडी उत्पादन, क्षमता अभिवृद्धि तथा नयाँ प्रतिभाको पहिचान र विकासमा विशेष ध्यान दिइने बताए।

“सबै सरोकारवाला पक्षसँग सहकार्य गर्दै जिल्लाको क्रिकेट संरचनालाई थप सुदृढ बनाउने हाम्रो लक्ष्य हुनेछ,” अध्यक्ष पठानले भने, “सामूहिक प्रयास र सहयोगबाट बाँकेको क्रिकेटलाई नयाँ उचाइमा पु¥याउन सकिने विश्वास लिएका छौं” उनले भने ।

संघका अनुसार साधारण सभा सौहार्दपूर्ण र सहमतिमूलक वातावरणमा सम्पन्न भएको थियो। नवगठित कार्यसमितिले जिल्लाभित्रका क्रिकेट गतिविधिलाई थप व्यवस्थित, प्रभावकारी र परिणाममुखी बनाउँदै खेलको समग्र विकासमा योगदान पु¥याउने अपेक्षा गरिएको छ।

बाँके क्रिकेट क्षेत्रका सरोकारवालाले नयाँ नेतृत्वबाट जिल्लामा क्रिकेटको आधारभूत संरचना विकास, प्रतियोगिताको नियमित आयोजना तथा प्रतिभावान खेलाडी उत्पादनमा महत्वपूर्ण भूमिका निर्वाह हुने विश्वास व्यक्त गरेका छन्।