सीमामा तस्करी नियन्त्रण गर्न नसक्दा प्रधानकार्यालय तानिए सशस्त्रका एसपी

सशस्त्र प्रहरी बल ३० नम्बर गण हेडक्वार्टर बागेश्वरी नेपालगञ्ज सशस्त्र प्रहरी उपरीक्षक बिमल डाँगीलाई प्रधानकार्यालय तानिएको छ ।
नेपालगञ्ज नाकाबाट हुँदै आएको तस्करी नियन्त्रण गर्न नसकेको र सर्वसाधारणमाथि कुटपिट गर्दै जिम्मेवारी बहन गर्न असमर्थ देखिएको भन्दै डाँगीलाई हेडक्वार्टर तानिएको हो ।
सशस्त्र प्रहरी बल प्रधान कार्यालयले आज प्रधानकार्यालयमा हाजिर हुँने गरि डाँगीको सरुवा गरेको हो । यसअघि सशस्त्र प्रहरी बल प्रधान कार्यालयले एसएसपी गंगाराम श्रेष्ठको नेतृत्वमा ३ सदस्यीय छानबिन समिति गठन गरी स्थलगत अध्ययनमा खटाएको थियो ।
समितिले अनुसन्धान सकेलगत्तै एसपी डाँगी केन्द्रमा तानिनुभएको हो । नाकाबाट सामान ल्याइरहेका सर्वसाधारणमाथि कुटपिट गरेको भन्दै सशस्त्र प्रहरीको आलोचना भइरहेको छ ।