रीतु लावडलाई कोहलपुर नगरपालिकाबाट नगद पुरस्कारसहित सम्मान

कोहलपुर, बाँके – कोहलपुर नगरपालिकाको १२औं स्थापना दिवसका अवसरमा ब्रिज इन्टरनेशनल स्कुलमा अध्ययनरत छात्रा रीतु लावडलाई उत्कृष्ट नतिजा हासिल गरेकोमा सम्मान गरिएको छ।

आ.व. २०८१ मा आयोजित नगरपालिका स्तरीय आधारभूत तहको परीक्षामा रीतुले उत्कृष्ट सफलता प्राप्त गरेकी हुन्।

उनको यस उपलब्धिको कदर गर्दै लुम्बिनी प्रदेशका माननीय शिक्षा मन्त्री श्री जन्मजय तिमिल्सिना, कोहलपुर नगर प्रमुख श्री पूर्ण प्रसाद आचार्य र उपप्रमुख संगीता सुवेदीको उपस्थितिमा रीतुलाई नगद रू. ८,००० सहित सम्मान–पत्र प्रदान गरिएको हो।

ब्रिज इन्टरनेशनल स्कुल परिवारले रीतुको यस सफलतामा खुसी व्यक्त गर्दै सम्पूर्ण विद्यार्थी, अभिभावक, शुभेच्छुक र शिक्षा प्रेमीलाई हार्दिक बधाई तथा शुभकामना प्रकट गरेको छ।