महिलाको नेतृत्वमा चम्कियो कोहलपुर -११

टार्जन वली
कोहलपुर
कोहलपुर नगरपालिका वडा नम्बर ११ पछिल्लो केही वर्षयता एक असाधारण रूपान्तरणको यात्रामा अगाडि बढिरहेको छ। यो यात्रा कुनै साधारण परिवर्तन मात्र होइन — यो महिला नेतृत्व, सेवा प्रभावकारिता र समावेशी विकासको मिसाल बनेको हो।

वडाध्यक्ष कल्पना शर्माको दृढता र समर्पण: नेतृत्वमा नयाँ उदाहरण
वडा नम्बर ११ की वडाध्यक्ष कल्पना शर्मा नेतृत्व, पारदर्शिता र सेवामुखी प्रशासनको उत्कृष्ट नमुना हुन्।

उनले वडाको विकासका योजना तयार गर्दा स्थानीय आवश्यकता, समावेशीता, जनतासँगको सिधा संवाद र दीर्घकालीन सोचलाई आधार मानेकी छन्। उनका अनुसार, “हामी उपलब्ध स्रोत र साधनभन्दा बढी, जनताको प्राथमिक आवश्यकतालाई ध्यान दिन्छौँ। त्यसैले योजना परिणाममुखी भएका छन्।”

शर्माको नेतृत्वमा वडाले लिएको गति ‘रकेट रफ्तार’को जस्तै भएको बताइन्छ। शिक्षा, स्वास्थ्य, महिला सशक्तिकरण, सीप विकास, पूर्वाधार निर्माणदेखि सेवा प्रवाहसम्म उनले सशक्त ढंगले अघि बढाएकी छन्। वडाबासीहरू उनलाई ईमानदार, निडर र निष्ठावान जनप्रतिनिधि को रूपमा सम्मान गर्छन्।

महिलाकै अगुवाइमा कार्यालय सञ्चालन
कल्पना शर्माको साथमा रहेको कार्यालय टोली पनि महिला सदस्यहरूकै छ।
• वडा सचिव लक्ष्मी योगी प्रशासनिक दक्षता, समय व्यवस्थापन र शुद्ध सेवा प्रवाहका लागि परिचित छिन्।
• सहायक सिर्जना आचार्य जनउत्तरदायी व्यवहार र नागरिक सेवाप्रतिको आत्मीयता बोकेकी कर्मचारी हुन्।
• सब-इन्जिनियर श्यामु बिष्ट पूर्वाधार विकासको योजना, कार्यान्वयन र प्राविधिक निरीक्षणमा खारिएकी छन्।
• कार्यालय सहयोगी रिना थारु र हेल्प डेस्क प्रमुख बेलमती पुन मगर सेवा केन्द्रित भावना र समर्पणले वडामा आउने हरेक सेवाग्राहीको समस्यालाई सहज बनाउँछन्।
यो सम्पूर्ण महिला टोलीले कोहलपुर–११ लाई ‘महिला मैत्री वडा’ बनाउने मात्र होइन, महिला नेतृत्वमा सशक्त र सक्षम प्रशासन पनि कसरी हुन्छ भन्ने उदाहरण प्रस्तुत गरेका छन्।
सेवा प्रवाहमा उत्कृष्टता: तथ्यांक नै बोल्छ
वडाले सार्वजनिक गरेको आर्थिक वर्ष २०८१/८२ को प्रतिवेदन हेर्दा यस वडाको प्रशासनिक कार्य क्षमतामाथि कुनै प्रश्न उठ्दैन।
• पत्र दर्ता: १२२
• पत्र चलानी: ३४१५
• नागरिकता सिफारिस सेवा: २२२
• व्यक्तिगत घटना दर्ता: ३८४०
• जन्मदर्ता: १२५९ (पुरुष ६९८, महिला ५६१)
• विवाहदर्ता: ५९६
• बसाइँसराइ (आएको): १२२६
• बसाइँसराइ (गएको): ३०५
• सम्बन्धविच्छेद: ८४
• मृत्यु दर्ता: ३७० (पुरुष २१३, महिला १५७)
राजस्व संकलनमा उत्कृष्ट प्रगति
वडाले चालु आर्थिक वर्षमा मात्रै रु ६९ लाख ७७ हजार ४७१ रुपैयाँ ६९ पैसा राजस्व संकलन गरेको छ।
• सम्पत्ति तथा भूमिकर (मालपोत): रु ५३,४४,७८६.६९
• विविध नगद आम्दानी: रु १६,३२,६८५
यो तथ्यले स्पष्ट देखाउँछ — कोहलपुर–११ अब आर्थिक हिसाबले पनि आत्मनिर्भर वडाको नजिक पुग्दैछ।

विकासको गन्तव्य: पूर्वाधारमात्र होइन चेतनामै परिवर्तन
वडाध्यक्ष शर्मा र उनको महिला टोलीको नेतृत्वमा विकास योजनाहरू केवल सडक, नाली र भवन निर्माणमा सीमित छैनन्।

• महिला समूह, दलित समुदाय, अपांगता भएका व्यक्तिहरू तथा
• सीमान्तकृत वर्गहरू का लागि लक्षित कार्यक्रमहरूको निरन्तरता रहेको छ।
• स्वास्थ्य क्षेत्रमा नियमित निःशुल्क स्वास्थ्य शिविर, खोप कार्यक्रम, पोषण सचेतना लगायतका कामहरू वडाबाट नै सञ्चालित छन्।

कोहलपुर वडा नं. ११ ले देखाएको कार्यशैलीले सावित गरिदिएको छ —
“जब महिलालाई नेतृत्वको अवसर दिइन्छ, सेवा–शासनमा समावेशीता, उत्तरदायित्व र परिणाम सुनिश्चित हुन्छ।”
अन्तिम प्रतिबद्धता: जनताको साथमा–जनताको लागि
वडाध्यक्ष शर्माले स्पष्ट रूपमा बताएकी छन् —
“हामी भोलिका पुस्तालाई अझ सहज र सुरक्षित कोहलपुर दिन चाहन्छौँ। योजना बनाउँदा हामी अहिलेको होइन, पाँच वर्षपछिको परिणाम हेरेर सोच्दछौँ।”