महिला स्वास्थ्यमा नयाँ आशा : एच एण्ड एच अस्पताल

नेपालमा अझै पनि महिलाको स्वास्थ्य चुनौतीपूर्ण छ। मातृ मृत्यु दर उच्च हुनु, सुरक्षित प्रसूति सेवामा सबै महिलाको पहुँच नहुनु र स्त्रीरोग सम्बन्धी समस्या लुकाएर बस्नुपर्ने बाध्यता हाम्रो समाजमा सामान्य कुरा बनेको छ। यस्ता अवस्थामा बाँकेको कोहलपुरमा सुरु भएको महिला डेडिकेटेड एच एण्ड एच अस्पताल निश्चित रूपमा एउटा सकारात्मक समाचार हो।
चर्चित प्रसूति तथा महिला रोग विशेषज्ञ डा. दुर्गा विसीको नेतृत्वमा स्थापना भएको यो अस्पतालले २४ घण्टा इमरजेन्सी, ओपिडी, आइसीयू, एनआइसीयू, एचडियू, कम्प्रेहेन्सिभ मेटरनिटी केयर, अत्याधुनिक अपरेसन थियटर र आफ्नै फार्मेसीसहितका सेवा सुरु गरेको छ। साथै, अन्य विषयका विशेषज्ञ चिकित्सकहरूको सहभागिता यसलाई अझ विश्वासिलो र उपयोगी बनाएको छ।
महिला स्वास्थ्यलाई प्राथमिकतामा राखेर अघि बढाइएको यो प्रयासले स्थानीय स्तरमै सुरक्षित मातृत्व र गुणस्तरीय स्वास्थ्य सेवाको सुनिश्चितता दिलाउने अपेक्षा गर्न सकिन्छ। अझ महत्वपूर्ण कुरा—यसले महिलालाई स्वास्थ्य सेवाप्रति सजग र आत्मविश्वासी बन्ने वातावरण पनि सिर्जना गर्नेछ।
तर, केवल अस्पताल खोल्नेमात्रै समाधान होइन। राज्यका तीनवटै तह—संघ, प्रदेश र स्थानीय सरकारले यसलाई मजबुत बनाउन सहयोग गर्न जरुरी छ। आवश्यक नीतिगत समर्थन, पूर्वाधार सुधार र स्वास्थ्यकर्मीलाई प्रोत्साहन बिना यस्तो पहल लामो समय टिक्न कठिन हुन्छ।
यसैले, कोहलपुरमा सुरु भएको एच एण्ड एच अस्पताललाई हामीले नयाँ आशा र अवसरको रूपमा लिनुपर्छ। यसले महिला स्वास्थ्य मात्र नभई समग्र समाजको स्वास्थ्यस्तर सुधार्न महत्त्वपूर्ण योगदान पुर्‍याउनेछ भन्नेमा शंका छैन।